भंडारा येथील जिल्हा रुग्णालयातील लहान मुलांच्या युनिट केअरमध्ये आग लागली व त्यानंतर बालकांच्या युनीट केअर कक्षामध्ये धूर जमा झाल्यामुळे 10 बालकांचा गुदमरुन मृत्यू झाला असल्याची घटना घडली आहे. सदर घटना अत्यंत दुर्दैवी असून मन हेलावणारी आहे.यो प्रकरणी मनुष्य वधाचा गुन्हा दाखल करण्याची जिलाधिकाऱ्यांकडे निवेदनाद्वारे भाजयुमो ने केली आहे.
निवेदना म्हटले आहे की, भंडारा येथील जिल्हा रुग्णालयातील लहान मुलांच्या अतिदक्षता विभागात 7 दिवसांपासून विजेचं फ्लक्च्यूएशन होत असल्याचं तेथील मृत बालकांच्या कुटुंबीयांनी सांगितल्याचे समजते. राज्य सरकार आणि प्रशासन यांच्या हलगर्जीपणामुळे ही दुर्दैवी घटना घडल्याचे आता समोर येत आहे. यापुर्वी देखील अशा हलगर्जीपणामुळे राज्यातील रुग्णालयात अनेक लोकांचे मृत्यू झाल्याच्या घटना वारंवार घडल्या आहेत.
सरकारी ग्रामीण रुग्णालयाची यंत्रणा किती ढिसाळ, निगरगट्ट आणि दुर्लक्षित करणारी आहे हे या प्रकरणावरून स्पष्ट दिसत आहे. या घटनेबद्दल आम्ही तीव्र संताप व्यक्त करत आहोत. या घटनेतील दोषींवर तात्काळ मनुष्यवधाचा गुन्हा दाखल झाला पाहिजे अशी आमची आग्रही मागणी आहे.
राज्यातील कुठल्याही सरकारी दवाखान्यात पुरेशी यंत्रणा उपलब्ध नसते. सक्षम डॉक्टर, औषधांचा पुरवठा आणि अद्ययावत यंत्रणा या राज्यातील सगळ्या सरकारी दवाखान्यात आहेत याचं ऑडिट झाले पाहिजे. या निमित्ताने सर्व सरकारी दवाखान्याची चौकशी झाली पाहिजे अशी आमची आग्रही मागणी आहे. राज्य सरकारने वेळीच पाऊल उचललं नाही तर सरकारला भारतीय जनता युवा मोर्चाच्या तीव्र आंदोलनाला सामोरे जावे लागेल, असा इशारा देण्यात आला आहे.
यावेळी भारतीय जनता युवा मोर्चा अध्यक्ष राजसिंह राजेनिंबाळकर, महिला जिल्हा अध्यक्षा माधुरी गरड, महिला जिल्हा उपाध्यक्षा सौ अंजली बेताळे, सौ .दमयंती वाकुरे , सौ . आशा लांडगे , कु .पूजा राठोड , सौ . अनिता तोडकर , सुरज शेरकर , सचिन लोंढे , प्रसाद मुंडे यांच्या सह अनेक कार्यकर्ते उपस्थित होते .