उस्मानाबाद / प्रतिनिधी-
प्रजासत्ताक दिनाच्या 71 व्या वर्धापनदिन निमित्त राष्ट्रध्वजारोहणाचा मुख्य शासकीय कार्यक्रम पालकमंत्री महोदयांच्या हस्ते सकाळी ठिक 9.15 वाजता श्री तुळजाभवानी जिल्हा क्रीडा संकुल,उस्मानाबाद मैदान येथे संपन्न होणार आहे.तसेच जिल्हाधिकारी कार्यालय,उस्मानाबाद येथील प्रांगणात ध्वजारोहणाचा कार्यक्रम जिल्हाधिकारी कौस्तुभ दिवेगावकर यांच्या शुभहस्ते दि.26 जानेवारी,2021 सकाळी 8.15 वाजता संपन्न होणार आहे.
ध्वजारोहणाच्या कार्यक्रमाच्या दिवशी विविध मागण्या संदर्भात लोक, संघटना, पक्ष, कार्यकर्ते हे जिल्हाधिकारी कार्यालयासमोर उपोषण, धरणे, मोर्चा, रॅली, आत्मदन, रस्ता रोको अशा कार्यक्रमाचे आयोजन करतात.
शहरातील श्री तुळजाभवानी जिल्हा क्रीडा संकुल,उस्मानाबाद व श्री.छत्रपती शिवाजी महाराज यांचा पुतळा ते सर्कीट हाऊस शिंगोली पर्यंत दि.25 जानेवारी 2021 रोजी रात्री बारा वाजल्यानंतर ते दि.26 जानेवारी 2021 च्या रात्री बारा वाजेपर्यंत आंदोलनात्मक कार्यक्रम करण्यास प्रतिबंधात्मक आदेश लागू करण्यात आले आहेत.
जिल्हाधिकारी कार्यालयाच्या प्रांगणामध्ये तसेच श्री तुळजाभवानी जिल्हा क्रीडा संकुल व श्री.छत्रपती शिवाजी महाराजांचे पुतळा ते सर्कीट हाऊस शिंगोली पर्यंत ध्वजारोहणाच्या दिवशी उपद्रव कमी करण्यासाठी तसेच आंदोलनात्मक कार्यक्रम घेण्यात येऊ नयेत म्हणून श्री तुळजाभवानी जिल्हा क्रीडा संकुल व श्री.छत्रपती शिवाजी महाराजांचे पुतळा ते सर्कीट हाऊस शिंगोली पर्यंत फौजदारी प्रक्रिया संहिता 1973 चे कलम 144 लागू करण्यात आले आहे.