येथील कृषि उत्पन्न बाजार समितीचे सभापती श्री विजयकुमार गंगणे यांच्या तर्फे चारशे कुटुंबांना दिवाळी व भाऊबीज साजरी करण्यासाठी मंगळवार दि 10 रोजी साहित्य वितरीत करण्यात आला.
कोरोना पार्श्वभूमीवर दिपावली गोरगरीबांना साजरी करण्यासाठी आ. राणाजगजितसिंह पाटील यांच्या मार्गदर्शनाखाली बाजार समितीचे सभापती श्री विजयकुमार गंगणे यांचे तर सामाजिक बांधिलकी जपत पापनाश नगर, विवेकानंदनगर भागातील 400 कुटुंबांना दिवाळी व भाऊबीज भेट म्हणून किराणा व दिपावली सणासाठी आवश्यक असणा-या साहित्याचे किट्स सभापती श्री विजयकुमार गंगणे, जिल्हा पत्रकार संघाचे उपाध्यक्ष श्रीकांत कदम, पत्रकार संघाचे तालुकाध्यक्ष प्रदीप अमृतराव, मनोज गवळी यांचे हस्ते वाटप करण्यात आले.
सभापती श्री गंगणे यांचे मार्गदर्शनाखाली यापुर्वी कोरोना काळात वेळोवेळी समाजातील गोरगरीब व आर्थिकदृष्टया दुर्बल घटकांसाठी किराणा साहित्याचे किट व मस्क सॅनिटायझर, अर्सेनिकम अल्बम गोळया, मुस्लीम समाजबांधवांना रमाजान ईद निमित्त शिरखुर्मा साहित्याचे किट इत्यादी वाटप करण्यात आलेले असल्याचे श्री मनोज गवळी यांनी सांगितले. यावेळी बोलताना सभापती श्री गंगणे यांनी गोर गरीब व वंचित घटकांचे मदतीसाठी सदैव तत्पर असल्याचे सांगून गोर-गरीब जनतेसाठी आणखीही शक्य तेवढी मदत करण्यास तयार असल्याची ग्वाही यावेळी दिली. याप्रसंगी विजयकुमार गंगणे व मनोज गवळी मित्रमंडळाचे सभासद, पत्रकार, नागरीक व कार्यकर्ते उपस्थित होते