अखिल भारतीय महात्मा फुले समता परिषद जिल्हा शाखा उस्मानाबाद च्या वतीने महाराष्ट्र राज्याचे कॅबिनेट मंत्री, अन्न व नागरी पुरवठा, ग्राहक संरक्षण मंत्री, अखिल भारतीय महात्मा फुले समता परिषद चे संस्थापक अध्यक्ष छगन भुजबळ यांच्या 74 व्या वाढदिवसाच्या निमित्ताने जिल्हा शाखा उस्मानाबाद कडून मा. जिल्हा अध्यक्ष महादेव माळी यांच्या नेतृत्वाखाली शहरात विविध कार्यक्रम आयोजित करण्यात आले.
सर्व प्रथम जिल्हा स्त्री रुग्णालय उस्मानाबाद येथे राष्ट्रवादी काँग्रेस पक्षाचे ज्येष्ठ नेते मा. जिल्हा परिषद अध्यक्ष जीवनरावजी गोरे साहेब यांच्या अध्यक्षतेखाली रुग्णालयातील स्त्री जन्माचे स्वागत या उपक्रमांतर्गत सर्व नवजात शिशुंसाठी उबदार किटचे वाटप करण्यात आले. तसेच रुग्णालयातील कर्मचार्यांचा कोविड योद्धा म्हणून सत्कार करण्यात आला व त्यांना हॅंडग्लोजचे वाटप करण्यात आले. सदर कार्यक्रमास रुग्णालयातील वैद्यकीय अधिक्षक डॉ सौ. स्मिता सरोदे ( गवळी) , डॉ. गणेश पाटील, डॉ. माने, डॉ. सोनटक्के, डॉ. लोणे मॅडम व त्यांचा सर्व स्टाफ उपस्थित होते.
त्यानंतर जिजामाता वस्तीगृह येथे उभारलेल्या तात्पुरत्या कैदी विलगीकरण कक्षात राष्ट्रवादी काँग्रेसचे मा. संजयजी निंबाळकर सिनेट सदस्य डॉ बाबासाहेब आंबेडकर मराठवाडा विद्यापीठ यांच्या अध्यक्षतेखाली व तुरुंग अधिकारी बलभीम माळी यांच्या उपस्थितीत कैद्यांना करमणूक व्हावी म्हणून एका टेलीव्हिजन संचाचे तसेच कैद्यांना देण्यात येणारे अन्न गरम रहावे म्हणून हॉट पॉट चे वाटप करण्यात आले.
सदर कार्यक्रम यशस्वी करण्यासाठी समता परिषद चे जिल्हा कार्याध्यक्ष कुणाला निंबाळकर, तालुका अध्यक्ष रॉबिन बगाडे, शहराध्यक्ष शाहनवाज सय्यद, संतोष भोजने, दत्ता माळी, सौदागर माळी, अशोक भोसले, जयंत देशमुख, रियाज शेख, अजय पाटील, अमोल माळी, सौरभ देशमुख,सचिन चौधरी, किशोर माळी, महेश सुरवसे, सुनील पेठे, अनुराग गाडेकर, प्रणव देशमुख, ओम भांगे यांनी परीश्रम घेतले.