उस्मानाबाद / प्रतिनिधी-
उस्मानाबाद नगरपरिषदचे नगरसेवक माणिक सखाराम बनसोडे (वय-५५ वर्ष) यांचे अल्पशा आजाराने दि. १२ ऑगस्ट रोजी दुःखद निधन झाल्याची दुर्दैवी घटना घडली आहे. त्यांच्यावर सोलापूर येथील रुग्णालयात मागील ८ दिवसांपासून उपचार करण्यात येत होते. त्यांच्या पश्चात आई,२ मुले,१ मुलगी, बहीण,भाऊ असा परिवार आहे. ते सर्वसामान्य जनतेच्या समस्या सोडविण्यासाठी सतत प्रयत्नशील असायचे
माणिक तात्या बनसोडे यांनी सामान्य जनतेचे प्रश्न सोडवण्यासाठी कायमच तळमळीने काम केले.त्यांच्या निधनाने एक जिवाभावाचा सच्चा सहकारी गमावला आहे.संघटनेसाठी धडाडीने काम करणाऱ्या या झुंझार सहकाऱ्याची उणीव कायम जाणवेल.नागरिकांच्या प्रश्नांसाठी झटायचे म्हणून ते लोकप्रिय होते.त्यांनी अभ्यासू नगरसेवक म्हणून स्वतःचा एक ठसा उमटवला होता.
कोरोनाच्या काळात देखील त्यांनी नागरिकांची अहोरात्र सेवा केली.माणिक तात्या व त्यांच्या पत्नी माजी नगराध्यक्षा दिवंगत रेविताताई बनसोडे यांनी उस्मानाबाद शहराच्या विकासासाठी मोठं योगदान दिलेले आहे. त्यांनी सामाजिक क्षेत्रात व नगरपालिकेच्या माध्यमातुन केलेले काम कायम स्मरणात राहील. अशी प्रतिक्रिया
- आ. राणाजगजीतसिंह पाटील यांनी दिली