परंडा तालुक्यातील अनाळा येथील तरुण अब्दुल याशीन पठाण याचे ह्रदयविकाराने निधन झाले होते.त्यांची घरची परिस्थिती अत्यंत हलाखीची असल्याने त्यांच्या कुटुंबाला जिल्हा प्रहार शिक्षक संघटनेच्या वतीने किराणा सामान व मुलींना कपडे व पत्नीला साडी भेट देण्यात आली.
दि.14 रोजी प्रहार शिक्षक संघटनेचे जिल्हा अध्यक्ष वैजिनाथ सावंत, प्रहार शिक्षक संघटनेचे तालुका अध्यक्ष विनोद सुरवसे व प्रहार शिक्षक संघटनेचे पदाधिकारी यांच्या हस्ते अब्दुल पठाण यांच्या पत्नीला किराणा सामान व कुटुंबाला कपडे अशी एकुण 6000 हजार रुपयाची मदत करण्यात आली. यावेळी साजीद शेख, बाबासाहेब सुरवसे, विकास सरवदे, अजित शिंदे, एन.डी. क्षिरसागर, अझहर शेख, महंमद शेख, विक्रम जाधव आदी उपस्थित होते.