धाराशिव - सध्याच्या आंतरराष्ट्रीय युद्धजन्य परिस्थितीच्या पार्श्वभूमीवर नागरिकांनी शांतता व संयम राखून आवश्यक सेवांचा योग्य वापर करावा,असे आवाहन जिल्हा प्रशासनाच्या वतीने करण्यात आले आहे.घरगुती एलपीजी गॅसचा पुरवठा सुरळीत सुरू असून पुरेसा साठाही उपलब्ध आहे. त्यामुळे अफवांवर विश्वास न ठेवता नागरिकांनी नियमितपणे गॅस बुकिंग करून घरपोच सेवा वापरावी,असे प्रशासनाने स्पष्ट केले आहे.
गॅसचा पुरवठा सुरळीत सुरू असताना कोणत्याही प्रकारची घाईगडबड किंवा साठेबाजी करू नये. घरगुती एलपीजी गॅस सिलेंडर संदर्भात नागरिकांनी गॅस एजन्सीकडे प्रत्यक्ष जाऊन अनावश्यक गर्दी करणे टाळावे. सर्व नागरिकांनी प्रशासनाला सहकार्य करून गॅस एजन्सीकडे होणारी गर्दी कमी करण्यासाठी आपल्या घरवस्तीस जोडलेल्या गॅस कंपनीच्या अधिकृत क्रमांकावर कॉल, व्हॉट्सअॅप, प्ले स्टोअरवरील अॅप्लिकेशन तसेच अधिकृत वेबसाईटच्या माध्यमातून सिलेंडर बुकिंग करून घरपोच सेवेचा लाभ घ्यावा, असे आवाहन जिल्हा प्रशासनाने केले आहे.