उमरगा (प्रतिनीधी)- छत्रपती संभाजी नगर चे ग्रुप कमांडर ब्रिगेडियर ए. जी. बरबरे यांनी भारत शिक्षण संस्था संचलित श्री छत्रपती शिवाजी महाविद्यालय उमरगा येथील एनसीसीचे कॅडेटस वैभवी शेंडगे आणि सुशांत जाधव यांचा राष्ट्रीय व राज्यस्तरावर विशेष कामगिरी केल्याबद्दल सत्कार करण्यात आला.
53 महाराष्ट्र बटालियन एनसीसी लातूर यांच्या वतीने या कार्यक्रमाचे आयोजन केले होते. ज्या कॅडेटसनी राष्ट्रीय , राज्यस्तरीय या ठिकाणी योगदान दिले या बदल त्यांचा प्रमाणपत्र व किट देऊन दोघांचा यावेळी सत्कार करण्यात आला. वैभवी शेंडगे हिने 26 जानेवारी 2025 रोजी राजपथ दिल्ली येथे पार पडलेल्या प्रजासताक दिनी महाराष्ट्राच्या संघातून ड्रिल परेड मध्ये तिने नेतृत्व केले होते. तसेच सुशांत जाधव ने ऑल इंडिया फायरिंग, थल सैनिक कँप फायरिंग स्पर्धेत इंटर ग्रुप काँपिटिशन पर्यंत तो मराठवाडा विभागात तो प्रथम आला होता. या सत्कार प्रसंगी 53 महा बटालियन एनसीसी लातूरचे कमान अधिकारी कर्नल संतोष नवगन, सुभेदार मेजर शंभु सिंग व सर्व आर्मी स्टाफ कार्यालयीन कर्मचारी उपस्थित होते. या बदल भारत शिक्षण संस्थेचे अध्यक्ष अमोल मोरे, उपाध्यक्ष अश्लेष मोरे, तसेच सर्व संचालक मंडळ व महाविद्यालयाचे प्राचार्य डॉ. संजय अस्वले, कॅप्टन डॉ. ज्ञानेश्वर चिट्टमपल्ले यांनी भावी आयुष्यासाठी शुभेच्छा देऊन अभिनंदन केले.