धाराशिव (प्रतिनिधी)- श्री तुळजापूर तीर्थक्षेत्र विकास आराखड्याचे काम सुरू होण्यापूर्वीच मंदिर परिसरातील 13 उपदेवतांची मुर्ती हलवण्यात आल्या आहेत. मंदिर रचना बदलाची कामे सुरू करताना कोणतीही योग्यती काळजी न घेतल्याने प्राचीन श्री ब्रह्मदेवाची मुर्ती निष्काळजीपणामुळे दुभंगली आहे. त्यामुळे हिंदूंच्या धार्मिक भावना दुखावलया आहेत. अनेक तक्रारी करूनही गेली अडची महिने दोषी शासकीय अधिकाऱ्यांवर अद्याप गुन्हे का दाखल झाले नाही? दोषी अधिकाऱ्यांवर तत्काळ गुन्हे दाखल करून कठोर कारवाई झाली पाहिजे. अशी मागणी मंदिर महासंघाचे राष्ट्रीय संघटक सुनिल घनवट यांनी पत्रकार परिषदेत केली.
धाराशिव येथे दि. 11 जुलै रोजी आयोजित केलेल्या पत्रकार परिषदेत घनवट बोलत होते. यावेळी मंहत मावजीनाथ महाराज, महंत इच्छागिरी महाराज, भोपे पुजारी मंडळाचे अध्यक्ष अमरराजे परमेश्वर कदम, पाळीकर पुजारी मंडळाचे माजी अध्यक्ष किशोर गंगणे, अधिवक्ता शिरीष कुलकर्णी, परिक्षीत साळुंखे आणि अन्य हिंदुत्वनिष्ठ प्रतिष्ठित उपस्थित होते.
कुलाचारासाठी जागा आवश्यक
अनादी काळापासून मंदिरात चालू असलेले कुलाचार, वंशपरंपरा व अन्य धार्मिक कृतीसाठी कुठलीही जागा आराखड्यात न ठेवणे हे गंभीर असून, ते हिंदूच्या श्रध्देवर आघात करण्यासारखे आहे. त्यामुळे स्थानिक पुजारी मंडख, हिंदूत्वनिष्ठ संघटना, धार्मिक संघटना, ग्रामस्थ यामध्ये संताप निर्माण झाला आहे. विशेषतः गाभाऱ्यातील सभामंडळाला तडे गेल्याने त्याचा जीर्णोद्वार केला जाणार आहे. मंदिर रचनेत कोणतेही बदल करताना अथवा नवीन विकास आराखडा अंतिम करण्यापूर्वी मूळ मंदिराच्या ऐतिहासिक, धार्मिक तसेच वास्तुरचनेला कोणताही छेद दिला जाणार नाही याची शासनाने खात्री देण्याची आवश्यकता आहे.
मुर्ती हवलवताना दुभंगली
श्री ब्रह्मेदवाची मूर्ती आधीच भंगलेली असल्याचा दावा दिशाभूल करणारा व खोडसाळ पणा आहे. पूर्वी ती मुर्ती अखंड व व्यवस्थित होती. त्याचे पुरावे आहेत. आराखड्याचा धार्मिक दृष्टीकोनातून आढावा घेण्यासाठी धर्मशास्त्राचे अभ्यासक, धर्माचार्य आणि शंकराचार्य पिठांचे विचार जाणून घेणे अत्यावश्यक आहे. कुलाचार, प्राचीन परंपरा, वंशप्रथा यासाठी स्वतंत्र जागा आराखड्यात स्पष्टपणे दर्शवावी. मुख्य प्रवेशद्वार पूर्वीप्रमाणेच ठेवावे. मागून नवीन द्वार तयार करून मंदिराची रचना बदलू नये. तिर्थक्षेत्र विकास संदर्भात सर्वांना विश्वासात घ्यावे असे सांगितले आहे.