धाराशिव (प्रतिनिधी)- राष्ट्रीय क्रमांक 52 येडशी - संभाजीनगर रस्त्यावर गुत्तेदारानी अंडरपासची व उड्डाणंपुलाची कामे घेतली आहेत मात्र गुत्तेदार काम करत नाहीत त्यामुळे अपघात वाढतात. धाराशिव शहराजवळ एका शाळेजवळ जुना उपळा रोडवर अंडर पास मंजूर होऊन त्याची निविदा झाली आहे. परंतु कामे वेळेत न झाल्याने तिथे एका विद्यार्थ्याचा मृत्यू झाला. याबाबत आमदार कैलास पाटील यांनी विधानसभेत प्रश्न उपस्थित केला.
महामार्ग व रस्ते सुरक्षेच्या बाबतीत आमदार कैलास पाटील यांनी सभागृहात शुक्रवारी महत्वाचे मुद्दे उपस्थित केले. यावर सार्वजनिक बांधकाम मंत्री शिवेंद्र राजे भोसले यांनीही तीनही कामांची अधिकाऱ्यांकडून माहिती घेते, जेथे गुत्तेदारांनी कामे सुरू केली नाहीत त्यांच्यावर दंडात्मक कारवाई किंवा वेळ पडल्यास ब्लॅकलिस्ट करण्याचे आश्वासन दिले.
रस्ते सुरक्षा समितीची बैठक 27 जानेवारी 2025 रोजी खासदार ओमराजे निंबाळकर यांच्या अध्यक्षतेखाली घेण्यात आली. त्या बैठकीत ज्या सूचना दिल्या त्याबाबत पुढे काहीच झाले नाही. याबद्दल आमदार पाटील यांनी सवाल उपस्थित केला. खामकरवाडी येथे वाहनाचा वेग इतका कमी होती की, चोर चालत्या गाडीत चढतात आणि चोरी करतात. त्यामुळे लुटमारीचे प्रकार वाढले आहेत. काही ठिकाणी वेग मोठ्या प्रमाणात वाढतो व काही ठिकाणी कमी होतो, यामुळे वाटमारी होते. यांचीही माहिती आमदार पाटील यांनी सभागृहात दिली. या घटनांचे रस्ता सुरक्षा समितीत निर्देश देऊन देखील 6 ते 7 महिने झाले. परंतु अद्याप पर्यंत कुठलही काम केले गेले नाही. येडशी येथील उड्डाणपुलाचे काम कधीपर्यंत होणार याची माहिती देण्याची मागणी आमदार पाटील यांनी केली.