भूम (प्रतिनिधी)- तालुक्यातील आरसोली येथे गुरू पौर्णिमेनिमित्त माजी सरपंच प्रशांत मुंडेकर यांच्या संकल्पनेतून दरवर्षी प्रमाणे याही वर्षी जिल्हा परिषद प्राथमिक शाळेतील सर्व गुरुजनांचा सन्मान करण्यात आला. प्रशांत काका मुंडेकर युवा मंचच्या वतीने हा सन्मान सोहळा आयोजित करण्यात आला होता.
यावेळी गावातील ज्येष्ठ नागरिकांच्या हस्ते साने गुरुजींच्या प्रतिमेचे पूजन करण्यात आले.यावेळी शाळेचे मुख्याध्यापक भगत,शिक्षक आगळे,ढोरे,थाटे, काळे, कोल्हाळे, तांबोळी, चंदनशिवे, सातपुते यांच्यासह शिक्षिका श्रीमती सुरवसे, आगळे, नागटिळक, वाघमारे या सर्व शिक्षक वृंदांचा ग्रामस्थांच्या वतीने सन्मान करण्यात आला.यावेळी माजी सरपंच प्रशांत काका मुंडेकर, राजकिरण गोयकर, रमेश सुरवसे, अनुरथ चंदनशिवे, सुनील पाटील, दत्ता गाढवे, भागवत गोयकर, भागवत खराडे, महादेव गोयकर, सुदाम नागटिळक, संदीप खराडे, नितीन पाटुळे, बाबा अंधारे, सोमनाथ मुंडेकर यांच्यासह सर्व ग्रामस्थ उपस्थित होते.कार्यक्रमाचे सूत्रसंचालन नितीन गुंजाळ यांनी केलेफ तर आभार कैलास सातपुते यांनी मानले.