धाराशिव (प्रतिनिधी)- दि. 19 फेब्रुवारी 2025 रोजी साजरी होणाऱ्या शिवजंयतीच्या अनुषंगाने जिल्हयात सामाजिक सलोखा, शांतता, कायदा व सुव्यवस्था अबाधित राहावी या दृष्टिने पोलीस अधीक्षक संजय जाधव यांचे अध्यक्षतेखाली आज दि. 11 फेब्रुवारी रोजी पोलीस अधीक्षक कार्यालय धाराशिव येथे धाराशिव शहरातील प्रमुख जयंती उत्सव मंडख, मध्यवर्ती सार्वजनिक शिवजयंती महोत्सव समिती धाराशिव व शिवराज्याभिषेक सोहळा समिती धाराशिव यांचे प्रमुख उपस्थितीत बैठक पार पडली.
सदर बैठकीस अपर पोलीस अधीक्षक, धाराशिव, गौहर हसन, पोलीस निरीक्षक मांजरे पाटील, पोलीस निरीक्षक शकील शेख व पोलीस अधीक्षक कार्यालयातील इतर अधिकारी हजर होते. सदर बैठकीत जंयती मंडाळाचे अध्यक्ष व पदाधिकारी यांचे कडून उत्सव अनुषांगाने आयोजित कार्यक्रम व त्यांना येणाऱ्या समस्यां बाबत चर्चा करुन मार्गदर्शन करण्यात आले.
पोलीस प्रशानाकडून जिल्ह्यातील जयंती उत्सव मंडळ व नागरिकांना आवाहन
पोलीस अधीक्षक धाराशिव संजय जाधव, यांनी सध्या इयत्ता 12 वी व इयत्ता 10 वी विद्यार्थ्यांची परीक्षा चालु असुन आयोजित कार्यक्रमांमुळे त्यांच्या अभ्यासावर परिणाम होणार नाही याची जाणीव ठेवून कार्यक्रम साजरे करावते. तसेच ध्वनी प्रदुषण नियमांचे उल्लघंन होणार नाही याची दक्षता घ्यावी. जयंती उत्सव दरम्यान अचानक एखादा प्रश्न उपस्थित झाल्यास त्या बाबत परस्पर कार्यवाही न करता त्याची प्रथम प्रशासनास माहिती द्यावी. पोलीस नियमानुसार योग्य ती आवश्यक कार्यवाही करतील. मोटरसायकल रॅली, ॲटो रॅली यामध्ये वाहतुक नियमांचे उल्लंघन होणार नाही याची दक्षता घ्यावी. शिवजयंती निमित्त आयोजित मिरवणुका ह्या डॉल्बी विरहीत, पारंपारीक वाद्याचा वापर करुन दिलेल्या मार्गानेच व नेमुण दिलेल्या वेळेच्या आत शांततेत पुर्ण करव्यात. पोलीस अधीक्षक यांनी अपेक्षा व्यक्त केली की, दरवर्षी प्रमाणे जयंती उत्सव विधायक कार्यक्रम करुन साजरा करण्यात येईल. उत्सव समिती, नागरीक व पोलीस यांचे समन्वयाने शिवजयंती उत्सव जिल्हाभरात उत्साहात व शांततेत पार पडेल अशी अपेक्षा व्यक्त केली.