तुळजापूर (प्रतिनिधी)-शिक्षकांनी जमा केलेला कोविड निधी जिल्हा परिषदकडे वर्ग करून तुळजापूर येथे शिक्षक भवन बांधण्याची मागणी अखिल महाराष्ट्र प्राथमिक शिक्षक संघाच्यावतीने जिल्हाधिकारी यांच्याकडे केली आहे.
परंतु अद्यापपर्यंत हा निधी जिल्हा परिषदकडे वर्ग झालेला नसल्यामुळे जमा निधी जिल्हा परिषदकडे तात्काळ वर्ग करून बैठकीतील झालेल्या निर्णयानुसार जिल्हा परिषदेच्या नियंत्रणाखाली तुळजापूर या ठिकाणी शिक्षक भवन बांधकाम करावे. अशी मागणी अखिल महाराष्ट्र प्राथमिक शिक्षक संघाच्या जिल्हा शाखेच्या वतीने राज्य उपाध्यक्ष लालासाहेब मगर, राज्य नेते बशीर भाई तांबोळी, राज्य महिला प्रतिनिधी सविताताई पांढरे जिल्हा अध्यक्ष बाळासाहेब वाघमारे, जिल्हा सरचिटणीस अविनाश मोकाशे, नगरपालिका विभाग जिल्हाप्रमुख राजेंद्र पवार, जिल्हा कार्यालय चिटणीस महेबूब काझी यांनी जिल्हाधिकारी धाराशिव यांच्याकडे निवेदनाव्दारे केली आहे.