उस्मानाबाद/ प्रतिनिधी
बालकांच्या मोफत व सक्तीच्या शिक्षण हक्क कायद्यानुसार दुर्बल व वंचित घटकातील बालकांना विनाअनुदानीत व स्वयंअर्थसाहाय्यच्या सर्व शाळांमध्ये 25 टक्के प्रवेशाची ऑनलाईन अर्ज करण्यासाठी दिलेली मुदत दि.21 मार्च-2021 ची वाढवून आता 31 मार्च-2021 अशी करण्यात आली आहे.
पालकांना कोरोनाचा प्रार्दुभावामुळे वेळेवर अर्ज न भरता आल्यामुळे तसेच काही तांत्रिक अडचणीमुळे वेळेवर अर्ज भरता आलेले नाहीत म्हणून शासनाने ऑनलाईन अर्ज भरण्यासाठी मुदतवाढ दि.31 मार्च-2021 पर्यंत वाढविली आहे. पालकांनी प्रवेशासाठी ऑनलाईन अर्ज rte25admission.Maharashatra.gov.in या वेबसाईडवर तात्काळ भरावेत.
यासंदर्भात काही अडचणी आल्यास तालुक्याचे गटशिक्षणाधिकारी किंवा जिल्हा परिषदेचे शिक्षणाधिकारी (प्राथमिक) डॉ.अरविंद मोहरे यांच्या कार्यालयाशी संपर्क साधावा.