धाराशिव (प्रतिनिधी)-भारताचे 'लोहपुरुष' सरदार वल्लभभाई पटेल यांच्या जयंतीनिमित्त (राष्ट्रीय एकता दिवस) 31 ऑक्टोबर 2025 रोजी, तेरणा अभियांत्रिकी महाविद्यालयात राष्ट्रीय एकात्मता आणि सद्भभावना संदेश देण्यासाठी विविध कार्यक्रमांचे आयोजन करण्यात आले होते.
'रन फॉर युनिटी' आणि एकता शपथ या विशेष दिनाची सुरुवात 'रन फॉर युनिटी' या भव्य दौड कार्यक्रमाने झाली. राष्ट्रीय सेवा योजनेच्या (एन एस एस ) स्वयंसेवकांसह सर्व विद्यार्थी, शिक्षक आणि कर्मचाऱ्यांनी मोठ्या उत्साहाने यात सहभाग घेतला. एकात्मतेचा आणि राष्ट्रीय सद्भभावनेचा संदेश देत महाविद्यालयाच्या परिसरामध्ये ही दौड आयोजित करण्यात आली होती.दौड पूर्ण झाल्यानंतर , सर्व उपस्थितांना राष्ट्राची एकता आणि अखंडता जपण्याची शपथ देण्यात आली. सरदार वल्लभभाई पटेल यांनी देशातील 565 हून अधिक संस्थाने एकत्र करून देशाला एकात्म करण्याचे जे महान कार्य केले, त्या कार्याची आठवण ठेवत, सर्व जण देशाच्या एकात्मतेसाठी कटिबद्ध राहतील, अशी प्रतिज्ञा घेण्यात आली.जनजागृती रॅली आणि मार्गदर्शन एकात्मतेची रॅली: राष्ट्रीय एकात्मतेचा संदेश समाजात पोहोचवण्यासाठी आणि सरदार पटेल यांच्या कार्याची माहिती देण्यासाठी महाविद्यालयापासून जवळच्या परिसरात जनजागृती रॅली काढण्यात आली. विद्यार्थ्यांनी हातात 'राष्ट्रीय एकता दिवस' आणि 'एक भारत, श्रेष्ठ भारत' अशा घोषणा असलेले फलक घेऊन सहभाग घेतला.या प्रसंगी आयोजित कार्यक्रमात, महाविद्यालयाचे प्राध्यापक डॉ. विक्रमसिंह माने यांनी सरदार पटेल यांच्या दृढ निश्चयी नेतृत्वावर आणि देशाला एकसंध ठेवण्यात त्यांनी दिलेल्या महत्त्वपूर्ण योगदानावर प्रकाश टाकला. राष्ट्रीय एकात्मतेचे महत्व सांगत त्यांनी तरुणांना राष्ट्र उभारणीत सक्रिय भूमिका घेण्याचे आवाहन केले.
तेरणा अभियांत्रिकी महाविद्यालयामध्ये हा 'राष्ट्रीय एकता दिवस' आणि सरदार पटेल जयंतीचा कार्यक्रम अत्यंत उत्साहात आणि शिस्तबद्ध पद्धतीने पार पडला. या यशस्वी आयोजनात महाविद्यालयातील सर्व विभागांचे कर्मचारी आणि विशेषतः एन.एस. एस. स्वयंसेवकांचे महत्त्वपूर्ण योगदान राहिले.
या दिनानिमित्त महाविद्यालयाने पुन्हा एकदा राष्ट्रीय एकता आणि अखंडतेच्या मूल्यां प्रति आपली बांधिलकी दर्शविली.