धाराशिव : डॉ. बाबासाहेब आंबेडकर मराठवाडा विद्यापीठ छत्रपती संभाजी नगर यांच्या परिपत्रकानुसार आज दिनांक 21 फेब्रुवारी 2025 रोजी संविधान गौरव महोत्सव अंतर्गत व्याख्यानाचे आयोजन केले होते.त्यानिमित् प्रमुख पाहुणे म्हणून डॉ. शिवाजी गायकवाड बोलताना म्हणाले की ," भारतीय संविधानातील समता, स्वातंत्र्य, बंधुता, न्याय ही उद्दिष्टे साध्य झाली का? ती साध्य करण्यासाठी घटनेची प्रामाणिकपणे अंमलबजावणी करणे अगत्याचे आहे. ही उद्दिष्टे 75 वर्षात साध्य न झाल्यामुळे आज अनेक समस्या निर्माण झाल्या आहेत. 370 कलम लागू केले तरी काही प्रश्न अनुत्तरीत आहेत. कलम 44 समान नागरी कायदा असला तरी कलम 25 ते 29 धार्मिक स्वातंत्र्याचा अधिकार असल्यामुळे समान नागरी कायदा लागू करणे जिकिरीचे बनले आहे. खाऊजा धोरणामुळे समाजामध्ये विषमता निर्माण झाली आहे. जिथे विषमता असते तिथे समता नांदू शकत नाही. स्वातंत्र्य,समता, बंधुता एकमेकासाठी पूरक आहेत. जात आणि वर्ण व्यवस्था कायम टिकून ठेवल्यास देश एकसंघ राहू शकत नाही . देश एकसंघ राहण्यासाठी धार्मिक सहिष्णुता, समाजात रुजवणे महत्त्वाचे आहे. डॉ.आंबेडकरांना संविधान लिहिताना 432 पेनाच्या निब्स झिजवाव्या लागल्या. यातूनच संविधान लिहिण्यासाठी त्यांनी घेतलेले परिश्रम लक्षात येते. धार्मिक ध्रुवीकरणाच्या या सांप्रत काळात पुन्हा एकदा देश गुलामगिरीत जाईल का ही डॉ.बाबासाहेब आंबेडकरांची शंका खरी ठरते की काय? असा सवाल त्यांनी केला. "