तुळजापूर (प्रतिनिधी) - येथील श्री तुळजाभवानीच्या शारदिय नवरात्र महोत्सव 2024 मध्ये यात्रा अनुदानातून नगर परिषद अंतर्गत करण्यात आलेल्या कामाची स्थळ पाहणी, चौकशी व फुटेजची पाहणी करून चौकशी केल्याशिवाय बील अदा करू नये अशा मागणीचे निवेदन आमआदमी पार्टीने विभागीय आयुक्त, जिल्हाधिकारी यांना मुख्याधिकारी यांना निवेदन देवुन केली आहे.

 श्री क्षेत्र तुळजापूर येथे नुकताचा श्री तुळजाभवानी देवीचा शारदीय नवरात्र उत्सव पार पडला. सदर उत्सवाकरीता शासनाकडून नगर परिषद तुळजापूरला कोट्यावधी रूपयाचे यात्रा अनुदान निधी दिला जातो. या अनुदानाच्या माध्यामातुन शारदीय नवरात्र महोत्सव व त्यांनतरच्या अश्विनी पौर्णिमा निमित्ताने पायी वारी करणाऱ्या भाविकांना तसेच शहरात दाखल होणाऱ्या भाविकांसाठी सोयीसुविधा पुविण्याचे काम नगर परिषद तुळजापूर मार्फत केले जाते. परंतु सन2024 च्या यात्रा कालावधीत अधिकारी व कर्मचारी तसेच ठेकेदार यांनी मिलीभगत करून यात्रा कालावधीत भक्त दर्शनिय भागात थातूर मातूर कामे केले  तसेच शहरात मुरूम टाकणे, लाईट बसवणे, पाणी पुरवटा करणे यासह अनेक कामांन बाबतीत साशंकता व्यक्त केली जात आहे. तरी तुळजापूर येथील शारदीय नवरात्र महोत्सवामध्ये यात्रा अनुदानातून करण्यात आलेल्या कामाची तपासणी करून, व जाय मोक्यावर पाहाणी करून तसेच त्याचे फोटो प्रतीची पडताळणी करून व कॅमेरा फुटेज याची पाहाणी करून त्यात निश्पन्न होणाऱ्या दोषी अधिकारी, कर्मचारी व ठेकेदार यांच्यावर योग्यती कायदेशीर कारवाई करण्यात यावी तसेच ठेकेदार कोणतेही बील अदा करण्यात येवु नये ही विनंती.असे निवेदन शहराध्यक्ष किरण यादव यांनी दिली.

 
Top