तुळजापूर (प्रतिनिधी)- तालुक्यातील काक्रंबा येथील श्री खंडोबा मंदिराचे बांधकाम पूर्ण झाले आहे. श्रींच्या मूर्ती प्राणप्रतिष्ठापणा सोहळा पार्श्वभूमीवर गुरुवारी दि.5 डिसेंबर रोजी काक्रंबा गावातुन खंडोबा मुर्तीची भव्य मिरवणूक काढण्यात आली. तत्पुर्वी बुधवारी दि. 4 डिसेंबर रोजी रात्री गोंधळवाडी येथील कलाकरांचा धनगरी ओव्यां गायन कार्यक्रम संपन्न झाला. यावेळी पंचक्रोषीतील ग्रामस्थ मोठ्या संखेने उपस्थित होते.
श्री खंडोबारायांच्या मुर्ती प्राणप्रतिष्ठापना सोहळ्यानिमित्त गुरुवारी (दि.5) रोजी श्रीखंडोबा मुर्तीची गावातुन संवाद मिरवणूक काढण्यात आली. शुक्रवारी (दि.6) मुर्ती प्राणप्रतिष्ठापणा सोहळा संपन्न झाला. रविवारी (दि.8) महाप्रसादाचा कार्यक्रम होणार आहे. या कालावधीत दररोज धनगरी ओव्या, वाघ्या-मुरुळी, कीर्तन असे कार्यक्रम होणार आहेत. या सोहळ्यास पंचक्रोषीतील नागरिकांनी उपस्थित होते. श्री खंडोबा मुर्ती प्राणप्रतिष्ठापना सोहळ्यास पंचक्रोशीतील भाविकांनी सहभागी व्हावे असे आवाहन काक्रंबा ग्रामस्थांच्या वतीने करण्यात आले आहे.