तुळजापूर (प्रतिनिधी)- श्री तुळजाभवानी मातेच्या शारदीय नवराञोत्सवातील सातव्या माळेदिनी देविजींच्या सिंहासनावर शेषशाही अलंकार महापूजा पुजा मांडण्यात आली होती. श्री तुळजाभवानी देवीजींच्या आज नित्योपचार पुजा आणि अभिषेक पूजेनंतर शेषशाही अलंकार महापूजा मांडण्यात आली.
आजही भाविकांचा प्रचंड ओघ देवीदर्शनार्थ सुरूच होता. देविजींच्या सिंहासनावर शेषशाही अलंकार पुजा मांडण्या बाबतीत अशी आख्यायिका सांगितले जाते कि, भगवान विष्णू क्षिरसागरामध्ये शेष शैयावरती विश्राम घेत असताना मातेने यांचे नेत्र कमलात जावून विश्राम घेतला. यावेळी भगवान विष्णू यांच्या दोन्ही कानातून निघालेल्या मला (मळ) पासून दोन दैत्य उत्पन्न झाले. त्यांची नावे शुंभ व निशुंभ आहेत. ते उत्पन्न होताच शेष शैयावरील विष्णूवरती आक्रमण करण्यास जाऊ लागले. त्यावेळी नाभी कमलात विराजमान असलेल्या ब्रम्हदेव यांनी विष्णूच्या नेत्र कमलात विश्राम घेणाऱ्या देवीची स्तूती करुन देवीला जागविले व विष्णूवरती आक्रमण करणाऱ्या दैत्यांचा वध श्री तुळजाभवानी मातेने केला. म्हणून विष्णूने आपले शेष शैया देवीला विश्राम करण्यासाठी दिले. त्यामुळे ही शेषशाही अलंकार महापूजा मांडण्यात येते.
शारदीय नवरात्र महोत्सवातील सर्वाधिक महत्त्वाची भवानी तलवार अलंकार महापूजा गुरुवार दि. 10 ऑक्टोबर रोजी मांडण्यात येणार आहे. तसेच 11 ऑक्टोबर रोजी महिषासूर मर्दिनी अलंकार महापूजा मांडण्यात येणार आहे. राञी देविजीस भाविकांचे अभिषेक पुजा करण्यात आल्यानंतर राञी मंदीर प्रांगणात छबिना काढण्यात आला. नंतर महंत तुकोजीबुवा यांनी प्रक्षाळपुजा केल्यानंतर सातव्या माळेच्या धार्मिक विधीचा समारोप झाला.