धाराशिव (प्रतिनिधी)-महिलांद्वारे वेश्या व्यवसाय करवुन घेत आसलेल्या धाराशिव तुळजापूर महामार्गावरील ‘निसर्ग गारवा लॉजवर पोलीसांनी छापा टाकुन चार महिलांची सुटका केली असुन दलालासह लॉजचालक व मॅनेजर विरुध्द गुन्हा दाखल केला आहे.
धाराशिव येथे पोलीस गस्ती दरम्यान तुळजापूर ते धाराशिव महामार्गालगत असलेल्या ‘निसर्ग गारवा लॉज' येथे लॉज चालक- व्यवस्थापक हॉटेलमध्ये काही महिलांद्वारे वेश्या व्यवसाय करवुन घेत आहेत. यावर पथकाने एका बनावट ग्राहकास तेथे पाठवून बातमीची खात्री करुन छापा टाकला. लॉज मध्ये चार महिला आढळुन आल्याने महिला पोलीसांमार्फत त्यांची विचारपुस केली असता हॉटेल चालक दिलीप रामदास आडसुळे, वय 63 वर्षे,रा.धाराशिव, दलाल- बालाजी चंद्रकांत गवळी, वय 29 वर्षे, रा.धाराशिव, हे दोघेजण लॉजचे मालक नितीन रोहीदास शेरखाने रा.धाराशिव यांचे सांगण्यावरुन त्या महिलांना वेशा व्यवसाय करायला लावत होते. यांचेविरुध्द कलम- 370, 370 (अ) (2), 34 सह मानवी अनैतिक व्यवसाय प्रतिबंधक अधिनियम कलम- 3, 4, 5 अन्वये धाराशिव ग्रामीण पोलीस ठाण्यात गुन्हा दाखल करण्यात आला आहे.
सदरची कारवाई पोलीस अधीक्षक अतुल कुलकर्णी अपर पोलीस अधीक्षक गौहर हसन यांच्या आदेशावरुन स्थानिक गुन्हे शाखेचे पोलीस निरीक्षक-वासुदेव मोरे, पोलीस हावलदार- अश्विनकुमार जाधव, दिलीप जगदाळे, हुसेन सय्यद, समाधान वाघमारे, शोभा बांगर, शैला टेळे, पोलीस अमंलदार- साईनाथ आशमोड, योगेश कोळी, रंजना होळकर, चालक पोलीस अमंलदार भोसले, अरब यांच्या पथकाने केली.