दि.05 ऑगस्ट रोजी उमरगा येथे तालुक्यात कोरोना विषाणूंचा दिवसेंनदिवस वाढता प्रादुर्भावाच्या अनुषंगाने खासदार ओमराजे निंबाळकर यांनी आढावा बैठक घेऊन विविध उपाययोजना संदर्भात सूचना केल्या.
यावेळी बैठकीत लक्षात आले की मृत्युदरात 45-60 वयोगटातील दुर्धर आजाराने ग्रस्त असलेल्यांची संख्या अधिक आहे. त्यामुळे अशा वयोगटातील व्यक्तींचा co-morbid सर्व्हे करून त्यांची विशेष काळजी घेण्याच्या सूचना दिल्या सोबत anti-gen टेस्ट चा वापर हा अधिकतर आजाराने ग्रस्त असलेल्या किंवा 45-60 वयोगटातील व्यक्तींसाठी करावा. रुग्ण आढळल्यास तेथे त्वरित कंटेन्मेंट झोन करून रुग्णाच्या संपर्कात आलेल्यांची त्वरित चाचणी करून त्यांना विलगिकरणात ठेवण्याचे आदेश दिले. सोबत त्यांना सर्व सोया सुविधा देण्याच्या सूचना खासदार साहेबांनी दिल्या. प्रशासनामार्फत राबविण्यात येणाऱ्या सर्व उपाय योजनांचा आढावा घेऊन नागरिकांनी घाबरून न जाता प्रशासनास सहकार्य करण्याचे आवाहन खासदार साहेबांनी केले.
यावेळी लोहारा शिवसेना तालुकाप्रमुख मोहन पनुरे, उपविभागीय अधिकारी विठ्ठल अवदाने, आरोग्य अधिकारी, तहसीलदार संजय पवार, गटविकास अधिकारी, पोनि श्री.घाडगे, आदी संबंधित अधिकारी उपस्थित होते.