उस्मानाबाद / प्रतिनिधी-
एका ठेवीदाराची तब्बल ६२ लाख रुपयांची मुदतठेवीची रक्कम २०१७ पासून परत न दिल्याने उस्मानाबाद शहरातील सुशीलादेवी नागरी सहकारी पतसंस्थेचे चेअरमन बालाजी साळके यांच्यासह संचालक मंडळावर फसवणुकीसह अन्य कलमान्वये आनंद नगर पोलीस ठाण्यात गुन्हा नोंद करण्यात आला आहे. या पतसंस्थेत अनेक ठेवीदारांचे करोडो रुपयांच्या मदतठेवी आहेत मात्र गेल्या काही वर्षांपासन रक्कम मिळत नसल्याच्या तक्रारी होत्या.
रणजित कांबळे यांनी दिलेल्या तक्रारीवरून गुन्हा नोंद करण्यात आला आहे. यातील अध्यक्ष बालाजी साळके यांच्यासह एकाला पोलिसांनी ताब्यात घेतल्याची माहिती सूत्रांनी दिली. उस्मानाबाद शहरातील संभाजी नगर येथील रहिवासी व शंकर स्टीलचे मालक रणजित कांबळे यांनी साळुके यांच्यासह संचालक मंडळाने दाखविलेल्या आकर्षक व्याज दाराच्या अमिषानुसार टप्याटप्याने स्वतःच्या व कुटुंबातील इतर सदस्यांच्या नावाने २०१६ या वर्षात ६२ लाख रुपये जमा केले. साळंके यांनी पतसंस्थेत गुंतवणूक करावी असे सांगत वार्षिक १४.४ टक्के व्याज दराने परतावा देण्याचे आमिष दाखविले. या सर्व रकमेची मुदत २०१७ या वर्षी संपल्यानंतर कांबळे यांनी साळुके यांच्याकडे रकमेची मागणी केली त्यावेळी त्यांनी बँकेची वसुली सुरु असल्याचे सांगत टाळाटाळ केली व पैसे ३ ते ४ महिन्यात देऊ असे सांगितले. वारंवार पाठपुरावा केल्यावर साळुके यांनी कांबळे यांना रक्कम मिळणार नाही असे सांगत धमकी दिली त्यामुळे कांबळे यांनी दिलेल्या तक्रारीवरून पोलिसात कलम ४२०,४०६ , ३४ सह महाराष्ट्र ठेवीदारांच्या हितसंबंधांचे संरक्षण अधिनियम १९९९ चे कलम ३ अन्वये गुन्हा नोंद झाला आहे.
एका ठेवीदाराची तब्बल ६२ लाख रुपयांची मुदतठेवीची रक्कम २०१७ पासून परत न दिल्याने उस्मानाबाद शहरातील सुशीलादेवी नागरी सहकारी पतसंस्थेचे चेअरमन बालाजी साळके यांच्यासह संचालक मंडळावर फसवणुकीसह अन्य कलमान्वये आनंद नगर पोलीस ठाण्यात गुन्हा नोंद करण्यात आला आहे. या पतसंस्थेत अनेक ठेवीदारांचे करोडो रुपयांच्या मदतठेवी आहेत मात्र गेल्या काही वर्षांपासन रक्कम मिळत नसल्याच्या तक्रारी होत्या.
रणजित कांबळे यांनी दिलेल्या तक्रारीवरून गुन्हा नोंद करण्यात आला आहे. यातील अध्यक्ष बालाजी साळके यांच्यासह एकाला पोलिसांनी ताब्यात घेतल्याची माहिती सूत्रांनी दिली. उस्मानाबाद शहरातील संभाजी नगर येथील रहिवासी व शंकर स्टीलचे मालक रणजित कांबळे यांनी साळुके यांच्यासह संचालक मंडळाने दाखविलेल्या आकर्षक व्याज दाराच्या अमिषानुसार टप्याटप्याने स्वतःच्या व कुटुंबातील इतर सदस्यांच्या नावाने २०१६ या वर्षात ६२ लाख रुपये जमा केले. साळंके यांनी पतसंस्थेत गुंतवणूक करावी असे सांगत वार्षिक १४.४ टक्के व्याज दराने परतावा देण्याचे आमिष दाखविले. या सर्व रकमेची मुदत २०१७ या वर्षी संपल्यानंतर कांबळे यांनी साळुके यांच्याकडे रकमेची मागणी केली त्यावेळी त्यांनी बँकेची वसुली सुरु असल्याचे सांगत टाळाटाळ केली व पैसे ३ ते ४ महिन्यात देऊ असे सांगितले. वारंवार पाठपुरावा केल्यावर साळुके यांनी कांबळे यांना रक्कम मिळणार नाही असे सांगत धमकी दिली त्यामुळे कांबळे यांनी दिलेल्या तक्रारीवरून पोलिसात कलम ४२०,४०६ , ३४ सह महाराष्ट्र ठेवीदारांच्या हितसंबंधांचे संरक्षण अधिनियम १९९९ चे कलम ३ अन्वये गुन्हा नोंद झाला आहे.