धाराशिव (प्रतिनिधी)- पोलीसांच्या क्रिडा गुणांना वाव मिळावा, त्यांची शारिरीक क्षमता उंचवावी या उद्देशाने धाराशिव पोलीस दलात दि.11 सप्टेंबर ते दि. 13 सप्टेंबर या तीन दिवसींय क्रिडा स्पर्धेचे आयोजन करण्यात आले होते. या स्पर्धेचे बक्षीस वितरण समारोप पोलीस मुख्यालयातील क्रिडांगणावर जिल्हाधिकारी किर्ती किरण पुजार, मुख्य कार्यकारी अधिकारी मैनक घोष, दिवाणी न्यायाधीश वरीष्ठ विभाग तथा सचिव, जिल्हा विधी सेवा प्राधिकरण भाग्यश्री पाटील यांच्या हस्ते संपन्न झाला. या प्रसंगी पोलीस अधीक्षक शफकत आमना यांसह पोलीस निरिक्षक विनोद इज्जपवार, दराडे, राखीव पोलीस निरीक्षक पठाण यांसह इतर पोलीस अधिकारी पोलीस खेळाडु उपस्थित होते.