भूम (प्रतिनिधी)- समर्थ नगर येथील श्री विघ्नहर्ता गणेश मंदीरात विविध धार्मिक कार्यक्रमाने गणेश जयंती उत्सहात साजरी करण्यात आली. यावेळी दर्शनाला मोठ्या प्रमाणात गर्दी दिसून आली.
दि. 31 जानेवारी रोजी रात्री पाठसांगवी येथील भजनाचा कार्यक्रम संपन्न झाला. दि 1 फेब्रुवारी रोजी सकाळी 7 ते 8 वाजता श्री च्या मुर्तीस श्रीकांत खडके यांच्या हस्ते महाअभिषेक व महापुजा संपन्न झाली. या नंतर सकाळी 8 वाजता वेदशास्त्र संपन्न राजाभाऊ धर्माधिकारी यांच्या उपस्थितीत सामुदायिक हवण संपन्न झाले. यानंतर ह भप सागर महाराज कोल्हे यांचे 10 ते 12 या वेळेत किर्तन होवुन पुष्पवृष्टी करुन गणेश जयंती सोहळा पार पडला. यावेळी माजी नगराध्यक्ष संजय गाढवे यांच्या हस्ते महाआरती होवुन दुपारी एक ते चार महाप्रसाद वाटप करण्यात आले. यानंतर सायंकाळी श्रींची पालखीतुन समर्थ नगर भागात मिरवणुक काढण्यात आली. पालखी नंतर आरती होवुन गणेश जयंती सोहळ्याची सांगता झाली. या सोहळ्यासाठी मंदीर समिती यांच्या वतीने परिश्रम घेतले.