मांजरा शुगर इंडस्ट्रीजकडुन गाळपास आलेल्या ऊसाची रक्कम संबंधिताच्या खात्यावर जमा

धाराशिव (प्रतिनिधी) - सहकार महर्षी व महाराष्ट्राचे माजी मंत्री दिलीपराव देशमुख यांचे मार्गदर्शनाखाली तुळजापुर तालुक्यातील मंगरुळ येथील मांजरा शुगर इंडस्ट्रीज कारखान्याचा गाळप हंगाम सन 2024-25 यशस्वीपणे चालु आहे. दि. 16 डिसेंबर अखेर कारखान्याचे गाळप 82,400 मेट्रीक टन झाले असुन साखर उत्पादन 81,800 क्विंटल इतके झाले आहे. सरासरी साखर उतारा 10.18 टक्के इतका आहे. कारखान्याने दि. 01 डिसेंबर ते 15 डिसेंबर - 2024 या कालावधीत गाळपास आलेल्या ऊस बिलाचे पेमेंट एफआरपी पोटी प्रती मेट्रीक टन रु. 2,700 रूपये प्रमाणे आज दि. 18 डिसेंबर रोजी ऊस पुरवठादार शेतकरी यांचे बँक खात्यात जमा होणार आहे. याची सर्व ऊस पुरवठादार शेतकरी यांनी नोंद घ्यावी.

सहकार महर्षी दिलीपराव देशमुख यांचे मार्गदर्शनानुसार शेतकऱ्यांच्या जीवनात आर्थीक उन्नती व्हावी व त्यांचा जिवनस्तर उंचावण्याचा सार्थ हेतु विचारात घेवुन कारखान्यामार्फत विविध ऊस विकास योजना राबविण्यात येत आहेत. शेतकरी हा केंद्र बिंदु समोर ठेवुन या कारखान्याची वाटचाल सुरु आहे. त्यामुळे जास्तीत जास्त या भागातील शेतकरी यांचा ऊस मांजरा कारखान्यास देण्याचा कल आहे. मांजरा कारखान्याची शेतकऱ्यांना वेळेवर ऊस दर अदा करण्याची पंरपरा कायम ठेवत या कारखान्याने दि. 01 डिसेंबर ते 15 डिसेंबर पर्यंत ऊस पुरवठा केलेल्या शेतकऱ्यांना प्रति मेट्रीक टन रु. 2,700 रूपये प्रमाणे ऊस बिलाची रक्कम आजरोजी बँकेत वर्ग करीत आहेत. त्यामुळे या भागातील सर्व ऊस उत्पादक शेतकऱ्यांनी मांजरा शुगर इंडस्ट्रीज (कंचेश्वर) कारखान्यास जास्तीत जास्त ऊस पुरवठा करुन सहकार्य करण्याचे आवाहन कारखान्याचे जनरल मॅनेजर सतीश वाकडे यांनी केले.