तुळजापूर (प्रतिनिधी)- कमान वेस विभागातील जय अंबिका मंडळ यांच्या वतीने रूढी परंपरे नुसार श्रीतुळजाभवानी मातेचे महात्य असलेल्या श्री देवी विजयग्रंथ वाचन सांगता सोहळा संपन्न झाला.
श्रीदेवी विजय ग्रंथ वाचन करून आत्मसात करण्याची परंपरा आहे. त्या निमित्त आई तुळजाभवानी मातेस सिंहासन पूजा करून अन्नदान करून श्री देवी ग्रंथ वाचन सोहळा समाप्ती करण्यात आली. शहरातील शुक्रवार पेठ, खडकाळ गल्ली, जवाहर गल्ली, कमान वेस भागात सर्व पुजारी बांधव मोठ्या प्रमाणात राहतात. ते श्रीदेवी विजय वाचन सोहळ्याचे आयोजन पूर्वापार प्रथे प्रमाणे करतात. या समाप्ती निमित्त सिंहासन पूजा, अन्नदान करण्यात आले. यासाठी मंडळाचे अध्यक्ष किरण लोंढे, नाना पेंदे, बाळासाहेब कदम, रमाकांत लोंढे, विक्रम कदम, श्रेणिक मुकेरकर, बर्वे, अजित काठेवाड, चिवचिवे, गणेश कदम अमोल लोंढे हे सिंहासन पूजेस उपस्थित होते.