तुळजापूर (प्रतिनिधी)- पानमसाला घेवुन गुजरातकडे जाणारा ट्रक समोर गाडी आडवी लावुन आतील व्यक्तीच्या डोळ्यात मिरची पुड टाकुन गळ्याला कोयता लावुन मारहाण करुन त्याना स्कार्पिओ गाडीत ठाकुन ट्रक मालासह पळवुन नेल्याची घटना शनिवार दि. 30 सप्टेंबर रोजी घडली असून, या प्रकरणी नळदुर्ग पोलिस ठाण्यात गुन्हा दाखल करण्यात आला आहे.
या बाबतीत अधिक माहिती अशी की, सय्यद सिराजोद्दीन सय्यद फयाजोद्दीन, वय 36 वर्षे, रा. मुलगा मठ जोशीगल्ली हुमनाबाद जि. बिदर राज्य कर्नाटक हे त्यांची ट्रक क्र के. ए. 56 -0237 मध्ये पानमसाला भरुन घेवून गुजरात येथे जात होते. दरम्यान मिट्टू रणजितसिंग ठाकुर, रोहित राठोड दोघे रा. नळदुर्ग ता. तुळजापूर जि. धाराशिव व त्यांच्या सोबत अनोळखी चार इसम यांनी नळदुर्ग ते तुळजापूर जाणारे रोडवर गोलाई चौकाचे पुढे आल्यावर फिर्यादी यांचे ट्रकच्या पुढे पांढऱ्या रंगाची स्कारर्पीओ गाडी आडवी लावून सय्यद सिराजोद्दीन यांचे अंगावर मिर्ची पुड टाकली. गळ्याळा कोयता लावुन लाथाबुक्यानी, फायबरच्या काठीने मारहाण केली. सय्यद सिराजोद्दीन यांचा चुलत भाउ सय्यद फैराद सय्यद करीम यांना डोक्यात मारहाण करुन सय्यद सिराजोद्दीन व त्यांच्या चुलत भाउ फैराद सय्यद यांना स्कार्पीओ गाडीमध्ये जबरदस्तीने टाकुन घेवून जावून स्वताचे आर्थीक फायद्यासाठी दहशत निर्माण करुन फिर्यादीच्या ताब्यातील ट्रकसह सुपर पान मसालाचे 50 मोठे पोते, दोन मोबाईल फोन, रोख रक्कम 5,000 पिवळ्या रंगाची ताडपत्री असा एकुण 30,30,200 रूपये किंमतीचा माल जिवे मारण्याची धमकी देवून बळजबरीने लुटून पसार झाले. सय्यद सिराजोद्दीन यांनी दि.30.09.2023 रोजी दिलेल्या फिर्याद वरुन नळदुर्ग पो. ठाणे येथे भा.दं.वि.सं. कलम- 395, 386, 364 (ए), 341, गुन्हा दाखल करण्यात आला आहे.