तुळजापूर (प्रतिनिधी)-धनगर समाजास एस टी प्रवर्गात आरक्षण द्या तसेच तिर्थक्षेञ तुळजापुर आणि नळदुर्ग शहरात राजमाता पुण्यश्लोक अहिल्यादेवी होळकर यांचे भव्य स्मारक व्हावे या प्रमुख सह अन्य मागण्यांसाठी धनगर आरक्षण कृती समितीतर्फ सोमवार दि. 18 सप्टेंबर रोजी भव्य मोर्चा काढुन रस्ता रोको आंदोलन करण्यात आले. यावेळी धनगरी ढोल ही सहभागी झाले होते.
सोमवार दि. 18 सप्टेंबर रोजी सकाळी 11.30 छञपती शिवाजी महाराज पुतळ्या पासुन मोर्चास आरंभ झाला. धनगर आरक्षण समर्थन घोषणा देत हा मोर्चा भवानी रोड मंदिर, महाध्दार, आर्य चौक, कमानवेस मार्ग क्रांती चौक येथुन जुन्या बसस्थानक समोरील चौकात आला. येथे रस्ता रोको आंदोलन करण्यात आले. यावेळी तहसिलदार यांनी रस्ता रोको आंदोलन स्थळी मागण्यांचे निवेदन स्विकारले. यावेळी धनगर समाजाचा एसटी समावेश करुन त्याची अमलबजावणी न केल्यास आंदोलन तीव्र करण्याचा इशारा दिला.
या आंदोलनात समस्त धनगर समाज बांधवांनी डोक्यावर पिवळ्या रंगाचा टोप्या, गळ्यात गमजे घालुन सहभाग नोंदवला. या आंदोलनात भाजपचे आमदार राणाजगजितसिंह पाटील, नितीन काळे, राष्ट्रवादी काँग्रेस पार्टी शरद पवार गट यांनी सहभाग नोंदवुन पाठींबा दिला. धनगर आरक्षण कृति समिती तर्फ शासनाला दिलेल्या निवेदनात म्हटल आहे कि, आज ही बहुतांश धनगर समाज हा पारंपारिक मेंढपाळ व्यवसाय करीत आहेत. समाजातील मुली व मुले अद्याप शिक्षण व नोकरीवासून वंचित आहेत. याचे
एकमेव कारण म्हणजे धनगर समाजाला अनुसूचित जमातीमध्ये समाविष्ट न केल्यामुळे आजही समाज मागासलेपणाचे जीवन जगत आहे. खरे पाहता धनगर समाज अनुसूचित जमातीमध्ये
होता, परंतु आजपर्यंतच्या राजकर्त्यांनी जाणीवपूर्वक धनगर समाजाला अनुसूचित जमातीमध्ये
समाविष्ट करून घेतले नाही. तरी या सरकारने आम्हाला समाविष्ट करुन न्याय देण्याची मागणी केली.
सदरील निवेदन समिती अध्यक्ष गणेश सोनटक्के, सोमनाथ गुडे, राम जवान, डॉ. डोलारे, बाबा श्रीनामे, ॲड बर्वे, काकासाहेब बंडगर, चेतन बंडगर, प्रमोद दाणे, दत्ताभाऊ हुंडेकरी, अण्णा बंडगर अप्पासाहेब पाटील, सचिन घोडके सह अनेकांनी दिले.