तुळजापूर / प्रतिनिधी-
तुळजापूर तालुक्यातील गंधोरा येथे राजमाता जिजाऊ जयंती व कै. आनंदा भोसले यांच्या प्रथम पुण्यस्मरणाचे औचित्य साधत जय शिवराय प्रतिष्ठान यांच्या मार्गदर्शनाखाली रक्तदान शिबिराचे आयोजन करण्यात आले होते.यात ५५ रक्तदात्यांनी रक्तदान केले
सध्या कोरोना च्या वाढत्या संसर्गामुळे विविध रुग्णालयांमध्ये आज काही प्रमाणात रक्तपेढींमधील साठा कमी पडू लागला आहे. ‘रक्तदान हेच जीवनदान, रक्तदान हेच सर्वश्रेष्ठ दान‘ असे समजले जाते. म्हणुन त्याच अनुषंगाने या शिबिराचे आयोजन करण्यात आले होते. अशा प्रकारे या शिबिरामध्ये ५५ रक्तदात्यांनी रक्तदान करून शिबिर यशस्वी केले.