धाराशिव (प्रतिनिधी)- दिनांक 4/9/2025 रोजी तुळजाभवानी क्रीडा संकुल, धाराशिव येथे झालेल्या जिल्हास्तरीय शालेय हॉकी व नेहरू हॉकी क्रीडा स्पर्धेत एकलव्य आश्रम शाळा मंगरूळ यमगरवाडी तालुका तुळजापूर येथील विद्यार्थ्यांनी उल्लेखनीय कामगिरी करून विजेतेपद मिळविले.
हॉकी स्पर्धेमध्ये 14 वर्ष मुलांमध्ये प्रथम क्रमांक, 14 वर्ष मुलींमध्ये द्वितीय क्रमांक, 17 वर्ष मुलींमध्ये प्रथम क्रमांक, 17 वर्ष मुलांमध्ये प्रथम क्रमांक, 19 वर्ष मुलांमध्ये द्वितीय क्रमांक, 19 वर्ष मुलींमध्ये द्वितीय क्रमांक तर नेहरू हॉकी स्पर्धेमध्ये 15 वर्ष मुलांमध्ये प्रथम क्रमांक, 17 वर्ष मुलींमध्ये द्वितीय क्रमांक, 17 वर्ष मुलांमध्ये द्वितीय क्रमांक या स्पर्धेत प्रथम क्रमांक मिळवलेल्या चारही संघांची आगामी विभागीय स्पर्धेसाठी निवड झालेली आहे. सर्व विजयी खेळाडूंचे व क्रीडा विभाग प्रमुख व क्रीडा प्रशिक्षक ज्ञानेश्वर भुतेकर, बालाजी क्षीरसागर यांचे संस्थेच्या वतीने संस्थेचे अध्यक्ष उद्धव काळे, कार्यवाह, विवेक अयाचीत, उपाध्यक्ष डॉ.अभय शहापूरकर, मुख्याध्यापक अण्णासाहेब कोल्हटकर,विठ्ठल म्हेत्रे,संस्थेचे संचालक मंडळ व क्रीडा समितीचे सर्व सदस्य व सर्व कर्मचारी यांनी अभिनंदन केले व पुढील स्पर्धेसाठी शुभेच्छा दिल्या.