धाराशिव, ( प्रतिनीधी)- धाराशिव जिल्हा पोलीस अंमलदार सहकारी पतसंस्थेची 32 वी वार्षिक सर्वसाधारण सभा संस्थेच्या कार्यालयासमोर, पोलीस लाईन धाराशिव येथे उत्साहात पार पडली. या सभेला अध्यक्ष गोविंद पवार, प्रमुख पाहुणे फुलचंद जगदाळे, मार्गदर्शक विशाल राजेश्वरकर व व्हाइस चेअरमन गितांजली फुलसुंदर (राऊत) यांच्या उपस्थितीत बैठक पार पडली.
संचालक किरण डोके, शिवाजी गवळी, पंडीत मुंडे, योगेश हनुमंत सूर्यवंशी, अजिनाथ तरंगे, मकसूद काझी, तज्ञ संचालक अतुल जाधव, कार्यलक्ष संचालक सचिन शिंदे, संचालिका भाग्यश्री देशमुख (जाधव) यांच्यासह सभासद मोठ्या संख्येने उपस्थित होते. सभासद चांद शेख, नानासाहेब भोसले, आगतराव कठारे, अविनाश शिंदे, गोकुळ पवार, गुरू माळी आणि अमर तांबे यांनी संस्थेच्या प्रगतीसाठी विविध सूचना मांडल्या व त्यावर सविस्तर चर्चा झाली.
महत्त्वाच्या ठरावांमध्ये दिर्घ मुदत कर्ज मर्यादा 6 लाखांवरून 8 लाखांपर्यंत वाढविणे, तातडी कर्ज 40,000 रुपयांवरून 50,000 रुपयांपर्यंत वाढविणे, सन 2024-25 साठी सभासद लाभांश 7 टक्के प्रमाणे दिवाळीपूर्वी वाटप करणे, सभासदांसाठी विमा काढण्याचा निर्णय, तसेच मागील वार्षिक सर्वसाधारण सभेचा वृत्तांत, ताळेबंद, नफा-तोटा व तेरिज पत्रक मंजूर करणे यांचा समावेश होता.
तसेच 2024-25 चा लेखापरीक्षण अहवाल वाचून दोष दुरुस्तीला मान्यता देण्यात आली, तर 2025-26 सालाच्या अंदाजपत्रकास सर्वानुमते मंजुरी देण्यात आली. संस्थेचे प्रस्ताविक सचिव महेशकुमार हरीभाऊ कचरे यांनी केले. आभार अध्यक्ष गोविंद पवार यांनी मानले. सभा शांततेत व यशस्वीरीत्या पार पडली.