उमरगा (प्रतिनिधी)- आपल्याला कोणत्याही क्षेत्रात यश संपादन करण्यासाठी उत्तम शिक्षण व सुसंस्काराची गरज आहे. आई वडीलांसह शिक्षकांच्या हातुनच हे पवित्र कार्य होऊ शकते. युवकांनी आपल्या कर्तत्वाने व्यवसाय सुरू करून प्रगती करण्याचे आवाहन उमरगा जनता सहकारी बँकेचे चेअरमन शरण बसवराज पाटील यांनी केले.

उमरगा तालुक्यातील डिग्गी येथे मंगळवारी (दि. 14) महात्मा गांधी विद्यालयाच्या विद्यार्थ्यांच्या वतीने शिक्षकांचा सत्कार व कृतज्ञता सोहळा आयोजीत करण्यात आला त्यावेळी ते बोलत होते. कार्यक्रमाच्या अध्यक्षस्थानी महात्मा गांधी विद्यालयाचे सचिव संजय डिग्गीकर होते. यावेळी पंचायत समितीचे माजी सभापती सचिन पाटील, महात्मा गांधी विद्यालयाचे सचिव संजय डिग्गीकर, संचालक प्रा. युसुफ मुल्ला, विठ्ठलसाई कारखान्याचे संचालक राजीव हेबळे, प्रा. शौकत पटेल, माजी नगरसेवक महेश माशाळकर, माजी सरपंच सिद्धाराम कवठे, योगेश राठोड, सतीश जाधव, सचिन हेबळे, विरेंद्र पाटील, उपसरपंच युवराज कर्पे आदी उपस्थित होते. यावेळी राजेंद्र चापाले, डी. वाय.माने, मुख्याध्यापक सुधाकर बिराजदार, के.एम. माने, बसवराज हावशेट्टे, अशोक घोडके, किसन साखरे, दिलीप सुरवसे, संतोष पाटील, आशिष चौधरी, अशोक पावडशेट्टी, कमलाकर एकंबे आदी शिक्षकांचा कृतज्ञता प्रमाणपत्र देऊन मान्यवरांच्या हस्ते सत्कार करण्यात आला. प्रा. युसुफ मुल्ला यांनी प्रास्ताविक, युवराज गायकवाड यांनी सुत्रसंचलन  तर विरेंद्र पाटील यांनी आभार मानले. कार्यक्रम यशस्वीतेसाठी महावीर माशाळे, विजयानंद पाटील, प्रदीप कोकळे, सोमनाथ महाजन, भिमाशंकर पाटील, रामलिंग स्वामी, लिंगराज स्वामी, मल्लिकार्जुन पावडशेट्टी, राहुल हेबळे, अमित हेबळे, राहुल कवठे, ॲड. फिरोज मुल्ला, महेश हेबळे, विरेश जमादार, गुरूनाथ मंठाळे आदींनी परीश्रम घेतले.

 
Top