धाराशिव (प्रतिनिधी)-समता-स्वराज आयोजित इन्वेस्ट् इन यूथ या कार्यक्रमांतर्गत अभियांत्रिकी महाविद्यालयात हॅक्याथॉनचे नुकतेच उद्घाटन करण्यात आले.
सलग तीन राउंड पर्यंत चालणार्‍या या हॅक्याथॉन मध्ये विद्यार्थ्यांमध्ये असलेले पोटेन्शिअल शोधून विविध तंत्रज्ञानाचा वापर करून सद्यस्थितीत उपलब्ध असलेल्या प्रोजेक्टवर काम करून नवनवीन प्रयोगांद्वारे येणारे आवाहन स्विकारून नवनिर्मिती केली जाते. या स्पर्धेमध्ये भाग घेण्यासाठी धाराशिव जिल्ह्यातील व तसेच महाराष्ट्रातील विविध ठिकाणाहून पॉलिटेक्निक व इंजिनिअरिंगच्या विद्यार्थ्यांनी उत्साहात सहमती दर्शवली आहे. आणि त्याचबरोबर धाराशिव,औरंगाबाद, पुणे या ठिकाणचा कंपन्यांनी सुद्धा विद्यार्थ्यांकडून समाज उपयोगी प्रोजेक्ट होण्यासाठी सातत्याने मदत करण्याची तयारी दर्शवली आहे.
यामुळे या स्पर्धेतून नाविन्यपूर्ण आयडियाचे रूपांतर हे समाज उपयोगी प्रोजेक्ट मध्ये होईल यात शंकाच नाही.
तेरणा अभियांत्रिकी महाविद्यालयात राबविण्यात येत असणार्‍या हकॅथॉन चे नुकतेच उदघाटन झाले. यावेळी अभियांत्रिकी महाविद्यालयाचे प्राचार्य डॉ. विक्रमसिंह माने , इन्वेस्ट इन युथचे आयोजक समता स्वराज चे संस्थापक अध्यक्ष अभिजीत खुणे ,उपाध्यक्ष संघर्षदीप वाघमारे ,इव्हेंट हेड सुमितकुमार चंदनशिवे, डी आय टी लॅब चे सर्वेसर्वा उमेश दुधभाते ,आणि चे पदाधिकारी राजेश शेवाळे, संतोष राजपूत तसेच मॅनेजमेंट टीम मध्ये महाविद्यालयीन विद्यार्थी अनुष्का मसलेकर, ऋतुजा घोडके, तेजस खराटे ,साईराज माने, महेश राठोड, अभिजीत गवळी, सिद्धांत राऊत, सुमित ठानांबिर, तेजस पेठे , प्रवर्तन जगताप, ऋतुपर्ण शिंदे व सूत्रसंचालनासाठी श्रेयस सूर्यवंशी होते.
यावेळी बोलताना महाविद्यालयाचे प्राचार्य डॉ.विक्रमसिंह माने म्हणाले की, हॅकॅथॉनच्या माध्यमातून विद्यार्थ्यांमध्ये असलेले पोटेन्शिअल समोर येऊन विद्यार्थी नवनवीन तंत्रज्ञानामध्ये अद्ययावत होऊन यश नक्की मिळवतील. यामुळेच हॅक्याथॉनच्या माध्यमातून महाविद्यालयीन विद्यार्थ्यांना करिअर घडविण्याची संधी देण्यात आलेली आहे. विद्यार्थ्यांनीही या संधीचा लाभ घ्यावा. यावेळी बोलताना उमेश दूधभाते म्हणाले की फक्त अभियांत्रिकीची पदवी घेतल्यामुळे नोकरी मिळविणे आता अशक्य असून स्वतः मधील स्किल डेव्हलप केले तरच विद्यार्थ्यांना नोकरीच्या संधी उपलब्ध होणार आहेत. यावेळी समता-स्वराजचे संस्थापक अभिजीत खुणे यांनीही विद्यार्थ्यांना मार्गदर्शन केले.
.यावेळी बोलताना राजेश शेवाळे म्हणाले की इंजीनियरिंग मधील प्रत्येक ठिकाणी रोबोटिक टेक्नॉलॉजी एप्लीकेबल असून या ठिकाणी मात्र कोडींगची आवश्यकता नसते .
या इव्हेंटचे हेड सुमितकुमार चंदनशिवे यांनीही विद्यार्थ्यांनी आत्मविश्वास जागविण्यासाठी कुठल्या गोष्टींची विद्यार्थ्यांमध्ये कमतरता असते याविषयी उपस्थित विद्यार्थ्यांना सविस्तर मार्गदर्शन केले .
यावेळी हॅकॅथॉन समन्वयक प्रा. डी एच निंबाळकर ,प्रा.दर्शन ठाकूर आणि प्रा.सुनिता गुंजाळ-कवडे
यांनी महत्वाची भूमिका बजावली.तसेच कशा पद्धतीने ,किती स्तरावर महाविद्यालयामध्ये हे राबविले जाणार आहे याविषयी विद्यार्थ्यांना सविस्तर माहिती दिली.