भूम (प्रतिनिधी)- आज भुम शहरात हाय इन्फोटेक कंप्युटर एज्युकेशन चे संचालक संतोष वरळे यांच्या वतीने पंचायत समिती सभागृह येथे विद्यार्थ्यांसाठी पॉलीटेक्निक डिप्लोमा प्रवेश मार्गदर्शन शिबिराचे आयोजन करण्यात आले. या कार्यक्रमाला विद्यार्थी, पालक व शिक्षकवर्ग मोठ्या संख्येने उपस्थित होता.
या शिबिरात तज्ञ मार्गदर्शकांनी विद्यार्थ्यांना 2025 मधील पॉलीटेक्निक डिप्लोमा प्रवेश प्रक्रिया, ऑनलाईन अर्ज पद्धती, आवश्यक कागदपत्रे, शासकीय व खासगी संस्थांचे कटऑफ, तसेच शिष्यवृत्ती योजना यासंबंधी सविस्तर माहिती दिली.
मार्गदर्शन सत्रात सहभागी विद्यार्थ्यांनी आपले शंका समाधान केले व योग्य शाखा निवडीसाठी मार्गदर्शन घेतले. यावेळी प्रमुख पाहुणे म्हणून प्राचार्य रणजित शिराळ बार्शी, माने पॉलीटेकनिक धाराशिव भोसले, कॉलेज वैराग लेकुरवाळे प्राध्यापक व सॉफ्टवेअर इंजिनियर, प्रा.सरवदे यांनी विद्यार्थ्यांना प्रेरणादायी मार्गदर्शन करून पुढील शिक्षणासाठी शुभेच्छा दिल्या. यावेळी भगवंत इन्स्टिट्यूट ऑफ टेक्नॉलॉजी बार्शी कॉलेजच्या वतीने गुणवंत विध्यार्थी यांचा सत्कार सन्मान चिन्ह व पुष्प गुच्छ देवून करण्यात आला. कार्यक्रमाचे आयोजन हाय इन्फोटेक भुम यांच्यातर्फे करण्यात आले होते. शिबिर यशस्वी करण्यासाठी पांडुरंग धस, शुभम गीते सर, भालेराव सर किरण शिंदे,अलीम शेख, धनवटे, तसेच शिक्षक व स्वयंसेवकांचे मोलाचे सहकार्य लाभले. कार्यक्रम झाल्यानंतर सर्व उपस्थित विध्यार्थी व पालक यांना कॉलेज बार्शी चे संकुल संचालक ऋतुराज शिवाजीराव सावंत यांच्या वतीने फराळ व अल्प उपोहार देण्यात आला. विद्यार्थ्यांनी अशा उपक्रमामुळे अनेक शंका दूर झाल्याचे सांगत आभार व्यक्त केले.