कळंब तालुक्यातील खामसवाडी येथे दि.१३रोजी रात्री अंदाजे २ते३ वाजेच्या दरम्यान अज्ञात चोरट्याने येथील सहा जणांच्या घराचे कुलूप तोडून घरात प्रवेश करून चोऱ्या केल्या असून या चोऱ्यांमध्ये कपाटातील सोने-चांदी व रोख रक्कमेसह इतर मौल्यवान वस्तू लंपास केल्याचे प्रथमदर्शनी निदर्शनास आले आहे.
संक्रांतीच्या पुर्वसंध्येला या चोरीच्या घटना घडल्याने सदरील कुटुंबावर संक्रांत कोसळली आहे. सदरील घटना कळताच पोलिस ठाण्याचे पोलीस निरीक्षक श्री नेटके हे घटनास्थळी दाखल झाले, तर सदरील घटनेचे गांभीर्य ओळखून व एकाच रात्रीत ६जनांच्या घराचे कुलूप तोडून चोरांनी चोर्या केल्याने उपविभागीय पोलिस अधिकारीही कळंब येथुन हजर झाले होते. तर चोरीच्या घटनेमध्ये सोने,चांदी,व रोख रक्कम चोरी झाल्याने घटना अधिकच गंभीर असल्याचे दिसून आल्यानंतर या ठिकाणी श्वान पथकालाही उस्मानाबाद येथुन पाचारण करावे लागले. सदरील चोरीच्या घटनेचा पंचनामा करण्यात आला असून पुढील तपास पोलीस करत आहेत.सदरील घटना घडल्यामुळे खामसवाडी व परिसरात दहशतीचे वातावरण निर्माण झाले असून खामसवाडी व परिसरात रात्रीची गस्त वाढविण्याची नागरिकांकडून मागणी होत आहे.तर सदरील चोरीचा तात्काळ तपास करावा अशी मागणीही ग्रामस्थातुन होत आहे.