तुळजापूर / प्रतिनिधी-
मक्ररसंक्रात पार्श्वभूमीवर महाराष्ट्राची कुलस्वामीनी श्री तुळजाभवानी मातेस वानवासा देण्यासाठी सुवासनी महिलांनी श्रीतुळजाभवानी मंदीरासह तिर्थक्षेञ तुळजापूर पंचक्रोषीत असणाऱ्या विविध देवींच्या मंदीरात गर्दी केली होती.
श्री तुळजाभवानी मातेची मंचकीनिद्रा चालु असल्याने स्थानिक महिलांनी प्रथम श्री तुळजाभवानी नंतर तिर्थक्षेञ तुळजापूर पंचक्रोषीत असणाऱ्या श्री विठ्ठल रुकमीनी, श्री रामवरदायनी देवी, तुळजापूर खुर्द येथील तुळजाभवानी, श्री इंगलाज मातादेवी अादि देविंच्या मंदीरात जावुन सुवासनी महिलांनी देविंना वानवसा देवुन मंदीरात एकमेकिना हळद कुंकु लावुन वानवसा दिला.
कोरोना पार्श्वभूमीवर श्री तुळजाभावानी मंदीर संस्थानने स्थानिक सुवासनी महिलांना आधारकार्ड दाखवून मंदीरात प्रवेश दिला.तर सांयकाळी पाच ते सहा या कालावधीत पुरुषांना मंदीरात प्रवेश बंद करुन फक्त महिलानाच प्रवेश दिला होता.