उस्मानाबाद/ प्रतिनिधी
डिसेंबर-2020 अखेर संपणा-या तिमाहीची नमुना ईआर-1 मधील त्रैमासिक सांख्यिकी माहिती संकलनाचे काम जिल्हा कौशल्य विकास,रोजगार व उद्योजकता मार्गदर्शन केंद्र,उस्मानाबाद या कार्यालयाद्वारे सुरु आहे. सर्व आस्थापनाकडुन शंभर टक्के प्रतिसाद मिळणे अत्यंत आवश्यक आहे.हे तिमाही विवरणपत्र सादरकरण्याची अंतिम दि.30 जानेवारी 2021 असून विहीत मुदतीत ऑनलाईन पध्दतीने सादर करावेत. कायद्याचे अनुपालन करुन सहकार्य करावे.तसेच प्रत्येक आस्थापनेने नोंदणी तपशील देखील नोंदवून आवश्यक ती सर्व माहिती अद्यावत करावी,असे आवाहन जिल्हा कौशल्य विकास रोजगार व उद्योजकता मार्गदर्शन केंद्राचे सहायक आयुक्त,बा.सु.मरे यांनी केले आहे.
जिल्ह्यातील सार्वजनिक तसेच खाजगी क्षेत्रातील सर्व आस्थापनानी सेवायोजन कार्यालये(रिक्तपदे सक्तीने अधिसुचित करणे)कायदा 1959 व नियम 1960 च्या कलम 5 (1) अन्वये सर्व सार्वजनिक तसेच खाजगी क्षेत्रातील शासकीय,निमशासकीय,तसेच कलम 5(2)अन्वये खाजगी क्षेत्रातील कायद्याअंतर्गत असणा-या आस्थापनांना त्याच्या आस्थापनेवर असणा-या सर्व कर्मचा-यांची स्त्री-पुरुष व एकूण अशी सांख्यिकी माहिती प्रत्येक तिमाहीस विषयांकित कायद्यातील तरतुदीनुसार विहीत नमुना ईआर-1 मध्ये नियमितपणे महाराष्ट्र शासनाच्या कौशल्य विकास रोजगार व उद्योजकता विभागाच्या www.rojgar.mahaswayam.gov.in या संकेतस्थळावरुन ऑनलाईन पध्दतीने सादर करणे बंधनकारक आहे.
जिल्ह्यातील सर्व आस्थापनाना जिल्हा कौशल्य विकास रोजगार व उद्योजकता मार्गदर्शन केंद्र या कार्यालयाकडून यापूर्वीच युजर नेम व पासवर्ड देण्यात आलेले आहेत.त्याचा वापर करुन प्रत्येकाने या विभागाच्या संकेतस्थळावर लॉगिन करुन आपली अचूक माहिती ऑनलाईन पध्दतीने सादर करावी.या संदर्भात कोणत्याही स्वरुपाचे सहकार्य अथवा माहिती आवश्यक असल्यास या कार्यालयास दूरध्वनी क्रमांक-02472-222236 किंवाईमेलआयडीosmanabadroigar@gmail.comअथवाasstdiremp.osmanabad@ese.maharashtra.gov.inयावर उद्योजक नोंदणी क्रमांक व इतर सर्व आवश्यक तपशीलासह संपर्क साधावा.